:: الطريقه الرقميه :: رؤية جديدة - متابعه - تطوير

أخوانى الاعزاء كيف حالكم اليوم اقولكم على موضوع خفيف وطريقه مميزه وخفيفه للمتاجرة واقتناص الارباح من الفوركس بالعافيه الموضوع شد انتباهى من سنه و يزيد لما لاقيت واحد صينى فى منتدى بيتكلم انه عنده طريقه للربح بدون تحليل او اى شىء و بمكاسب لا تقل عن 200 نقطه شهريا ولا تستغرق اكتر من 10 دقائق عمل اشتريت الطريقه ولاقيتها حاجة بسيطه جدا ..... فى ساعه معينه اخذ الهاى واللو للشمعه على تشارت الساعه اعمل لونج فوق الهاى بعدة نقاط وشورت تحت اللو بعده نقاط والهدف 10 نقاط والستوب بردوا 10 طبعا كواحد حاسب نفسه خبير ظن ان الخواجه فيبوناتشى باع طريقته لجون ميرفى اللى هو انا وفوجئت بالهم الكبير ان الطريقه لعبه اطفال دعيت على الرجال جامد وشتمته فى سرى ونسيت الموضوع ومضت الايام الى ان بدأ ابو سليم يداعب عقلى بأستراتيجيه (الهاى واللو للفترة الاسيويه) تابعته فى صمت وهدوء وكانت الطريقه بسيطه على زوج واحد وتجيبلك حوالى40 نقطه فى الاسبوع قعدت شهر اكسب من الطريقه دى ومفيش اسبوع طلعت خسران ومنها قررت ابدأ فى تطويرها عشان تبقى عادة تفيد اخواننا الجدد فى تذوق طعم المكسب ويجمد قلبهم فى الفوركس يلا نتوكل على الله --:: المتطلبات ::-- صلاة ركعتين الفجر فى جماعه برامج Al trade 4.00 للتحلل الفنى فقط لا غير عشان نبقى كلنا شايفين تشارت واحد http://www.alforex.com/software.aspx اختيارى: برنامج Microsoft Excel اختيارى: حاسبه الاوردرات (للمبرمج وليد الحلو ) ملف اكسل عبيط مرمى فى المرفقات للتسهيل --:: الطريقه ::-- الشارت : الساعه الزمان: نهايه شمعه الثامنه صباحا (9 بتوقيت القاهره) الازواج: اى زوج بشرط الاسبريد لا يزيد عن 5 نقاط.. يعنى ين- كندى - فرنك - يورو - الباوند - الاسترالى - النيوزيلاندى ... الافضليه للازواج الاقل سبريد انتظر حتى تكتمل الشمعه وفور اكتمالها ... أبد أخذ الهاى واللو لشمعه الثامنه صباحا (التاسعه بتوقيت القاهره) واقوم بعمل اوردرين 1-لونج: فوق الهاى ب12 نقطه والهدف 15 نقطه وستوب 15 نقطه شامله السبريد وان كنت افضله 20 2- شورت: تحت اللو ب 12 نقطه والهدف 15 نقطه والباقى ماتغير السعوديين يعرفوا الاعلان ده اكرر السابق مع كل الازواج اللى انا حابب ادخل فيها (لازم اسبريد لا يزيد عن 5 واكرر) مرفق صورة توضيحيه لفرصه على الين ووصلت للهدف الحمد لله وعليها شرح كافى و وافى بعد كده عندك 4 احتمالات 1- السعر يتجه الى اعلى يفعل الاوردر الاول ويجيب التارجت (40%) 2-السعر يتجه لاسفل ويفعل الاوردر الشورت ويجيب التارجت (40%) 3-يرتفع قليلا يفعل الاوردر الاول وينزل يضربه ستوب (10%) 4-ينخفض قليلا يجيب اوردر الشورت ويرتفع يضربه ستوب (10%) ناس هتسأل ليه يا عم وليد نسبه النجاح مخليها 80% والفشل 20% رغم انك متعرفش ايه اللى ممكن يحصل اقولكم السر فى التوقيت دخول الاوربى سوق نشط وبدايه حركه قويه اللهم اذا كان فى تذبذب وبردوا ساعات يكون فى تذبذب وتنجح الصفقه --:: النتائج ::-- هذه الطريقه قمت بتجربتها منذ اسبوعبن فقط على خمسه ازواج فقط (كل اللى تم ذكرهم بدون النيوزيلاندى والاسترالى) اسبوع ديمو واسبوع حقيقى اجمالى الربح فى اسبوعين 255 نقطه افضل الازواج (لم يتم تحديده حتى الان) --:: مميزات الطريقه ::-- ربح معقول جدا بدون مجهود او تفكير او تحليل ..فقط استخدم الحاسبه اعمل الاوردرات وتوكل على الله ممكن تستخدمها مع اى استراتيجيه و ممكن الاكتفاء بها فقط ارباحها تغطى خسارئها ولله الحمد مثاليه لغير المتفرغين تزود عدد الصفقات اللى بتعملها شهريا ... يعنى اللى انت مشترك عن طريقه هيدفعلك كومشنز اكتر ( طلال وابو عاصم هيحبونى ) --:: الخطوات المستقبلية ::-- اتمنى التفاعل لان التفاعل يستفذ عقلى ويدفعه للتفكير والاهتمام تحديد افضل الازواج اضافه اوقات اخرى للطريقه الرقميه استخدام الطريقه فيما بعد الاخبار عمل بعض الشروط لتحديد صلاحيه الدخول فى الزوج (كشف التذبذب الشديد وخلافه) --:: طلب بسيط ::-- عدم الاستخفاف بالطريقه فهى جيدة واذا كنت بتكسب كويس حتى مش هيضرك انك تكسب اكتر انا شخصيا مش معتمد عليها بس زودت ارباحى وزودت الكومشن اللى بأخده من البروكر بتاعى جربها الاول على الديمو (مهم جدا) طبعا النتائج تستاهل التجربه وعيب اسكت ومتكلمش على موضوع زى ده انا جاهز لاى استفسارات وارحب بأى فكرة ايجابيه للتطوير وان اشاء الله هنزل الاوردرات كل يوم هنا على ال 7 ازواج كل يوم الساعه 10:15 صباحا هتلاقوا الاوردرات بأذن الله 0 000 00000 شكر كبير جدا لاستاذنا الغالى ابو سليم فالطريقه كلها بتاعته وانا لم اضيف الا القليل وبعض المتابعه ... والشكر موصول لكل من استخدم الطريقه الرقميه او طور فيها 00000 000 0

الصور المصغرة للصور المرفقة